راكب اللي تو ماجابه جميل.....

السلام عليكم أتمنى ان تتقبلو هذه المصافحه المتواضعه أتمنى ان تحوز

على رضائكم واستحسانكم

راكب اللي تو ماجابه جميل = جيب شاص مواصفاته عالميه
تسعتن وألفين لاقيل الموديل = مابعد شافت عيوني قبل زيَه
مظهره راعيه كاش بلا كفيل = ماتدين فيه أو جابه هديَه
طير حرن لا عطا الخط الطويل = شايفن له صيدتن حزت عشيه
وإن تعرض كنه السيف الصقيل = وإن عطاك ابمقدمه جتك البنيه
ينحر اديارن لها قلبي يميل = بيشة الفيحا ومن يشره عليه
ديرتن فيها مزابين الدخيل = هم مقابيس الوغا وأهل الحميه
هم مطانيخ الرجال ابلا مثيل = هم محازم من نخاهم يوم هيَه
آل شبوه لابتي ضلعن طويل = مكرمين الضيف وايديهم نديه
يشهد التاريخ لو كلن يزيل = ولو تغير فالحقايق الاوليه
ضربهم يوجع ولا فيهم بخيل = وورعهم يسوا له شيوخ وبريه
كيف في شيبانهم شين مهيل = علمهم ظاهر ولو يلقى غبيه
وأنا حمدي عانق طوال النخيل = ولو حسبت أفعال جداني تتيه
وشيخنا ابن كدم مايخفى الاصيل = خاطين خطوا جدوده الأوليه
فعل ابوه وجده وفعله تمبل = عن مشاييخ اقحطان الاغلبيه
في عسير ولابن عايض يوم قيل = لا تفك اسراك غير ابخير جيه
لا لفاك افهيد فااعتبره كفيل = أطلق المسجون واعتبره هديه
ثم لفاه افيد مع خير الوميل = ربعه اللي شاركوه ابكل نيه
ثم خذا مطلوبه وخيله صهيل = وعض ابن عايض على ذيك اليديَه
لين راحت عضته دم يسيل = إيه بدو وصيتها ابنجد العبيه
وماذكرته نقطه وبحرن ثقيل = ولا على كل القبايل مقدريه
واقحطانن كل رجالن سهيل = وسبعة انعامن بها وبلابتن شبويَه

وسلامتكم جميعا وأتشرف بالانتقاد والتقليق البناء

صح لسان يا إحساس شاعر
وبيض الله وجهك على هذه القصيدة
وتسلم اناملك على كتابتها
ونحن بانتظار جديدك وجميلك

ووجهك ابيض وتستاهلون الطيب عسا الله يقدرنا ونتجمل مع النشاما

وخآلقي آلقصيده عجحبتني

تسلم آخوي كثر منهـآ

» إختبار جميل لمعرفه شخصيتك
» من اللي تغير!!
» راعي المعم اللي تلد له الأنظار
» وش اللي ينهك القلب و ( الرُّوحـ ) ؟!