هذه مصافحه متواضعه أتمنى أن تحوز على رضاكم و استحسانكم
تتالا الفكر يومني لقيت الموقف المعهود = أسلي خاطري والخاطر المجروح من يسلاه
أحسب لخطوتي لا رحت وأحسب خطوتي لااعود = وأحسب لموقفك ياشعر لا من هجت من يقواه
صحيح ان الطبيعه ساحره لكن لزوم انزود = ولو زدنا أبد ما نقدر نوصف لما شفناه
على شط النهود اللي يجود وحن منه نجود = تجمل ياقصيدي وأجبر الخاطر على ممشاه
تدندن فيني الامواج مثل اللي يعزف العود = أحس إنها تناديني تقول الحب ياويلاه
سكونك والغدر ثنتين ولايمكن تخون اعهود = ورحابة صدرك اتخليك صاحب كل من خاواه
يذكرني غموض الشمس في غيم السما المرجود = بنات البدو لا منها استحت ثم اغتمت بعباه
ولا حثرب صفاك الرمل ومن ثم ابتديت اتعود = كما شيخن على جوخه ولا يحسب كلام اعداه
زرع ربي جمال الغصن فيك ولو يميل العود = يذكرني خصر ديك الهنوف اللي بليا أشباه
حويت اللول والمرجان في جوفك ابليا اسدود = وتعطي من تعنا لك وكافح لين وصل أقصاه
مثل بنت حواها الزين وتتعب بالوقوف احشود = وغير الزين به طيبه ودين وبنت رجل و جاه
ولامنه غشا الامواج ليلن بالسما ممدود = تذكرت الشعر لامن على الامتان طاح اغطاه
ولحظة تلتقي فيها السما وياك ذيك ابزود= تذكرني شفات الزين ولا مثل الشفات اشفاه
ولامنها أبحرت فيك السفن واتدور الموجود =كريمن يبسط ايدينه وابد ماتنقصر يمناه
وترا شط النهود اللي سمعنابه دوي رعود = وشد الناظر اللي ماقدر غيره على مشراه
هو المقصود ماغيره ولاني باانتظر مردود = وبنت الفكر في وصفي لجرح القلب جات ادواه
وسلامتكم جميع
موضوع: بــنــت فــكـــــري.... 
السبت يناير 30, 2010 4:13 pm
