النشمي
Admin
عدد المساهمات : 655
السٌّمعَة : 0
تاريخ التسجيل : 24/08/2007
العمر : 44
 |  موضوع: قصيدة وجد  الإثنين يناير 28, 2008 6:23 pm | |
| وجد خالد بن مدعث الدوسري
| كل ما فاضت عيوني باشت الأضلاع غنا
الموارد في الضلوع وكل ضلع فـي ونـه |
والتمني ما يحقق هقوت القلـب ان تمنـا
بس قلبي ما يداني تبعـد الهقـوات منـه |
وا وجودي وجد من جلي عن دياره مجنـا
تو عمره عشر واربع والليالي مـا تحنـه |
ما وراه إلا عجوزٍ واخته وعـود مسنـا
بين فقر وبين دين وبين ضيم وبيـن منـه |
ما ذبحهم غير دمع من الغبينه مـا يكنـا
ويل من سود الليالـي بالمصايـب يبتلنـه |
راح مثل الذيب وهبلته حياة الذيـب ظنـا
وآمن والموت يومه بين مخلابـه وسنـه |
راح ينقل دم قلبه وان ضواه الليـل ونـا
الذيابه مروحاتـه والسيـوف يدورونـه |
ليا ذكر دم القرايـب عانـق البيـدا وثنـا
وان تذكر ضحكة امه زاغ قلبه من مغنـه |
ما يلوعه في حشاه إلا ليا شاف البرق سنا
غاب عشر اسنين ما به من يرد العلم عنه |
ان حداه الخوف منا هزت الأشـواق منـا
يوم طال الوقت عود للديـار اللـي ربنـه |
قـال مـا دام المذلـه والبـلاوي يبتلنـا
والله ان الموت في الأوطان بين الربع جنه |
يوم وقف في المنازل ما لقى بيـت مبنـا
غير بيـت للهبايـب والـذواري يلعبنـه |
راح يمه كنه اللي ضاربـه رمـح مطنـا
وعذابه ما دري ان اسهوم بقعـا يحترنـه |
يوم قرب سمع له صوت من العلـه يحنـا
حصل امه عندها ضيف يقول الموت سنة |
قال يمه قالت عيوني مـن الدمـع انعمنـا
قال ابويه قالت اطوال النصايب قد خذنـه |
قال واختي قالت اقفى القوم باختك مع ظعنا
قال ربعي قالت اسنيـن المجاعـة فرقنـه |
قال جيتك قالت ان الموت ما ظنـي تونـا
واستلمها نازع الارواح روحن مرجهنـه |
ثم صاح من التفرق صيحة اللي فيه جنـا
دق صدره وانطوى من حر ما به طي شنه |
كل هذا حال قلـب مـن خلقـه الله معنـا
الهمـوم يوكلنـه والـروابـع يوكلـنـه |
ليه ادور للسبايـب والسبـب فينـا ومنـا
النفوس وما تسوي واليدين ومـا حصدنـه
| لا تسودنا الخطايا نلحـق الشرهـه زمنـا
ما جزانـا إلا عملنـا والخلائـق يثبتنـه |
عدل سابقا من قبل النشمي في الخميس أغسطس 07, 2008 10:44 pm عدل 1 مرات | |
|
nonosha
Admin
عدد المساهمات : 455
السٌّمعَة : 0
تاريخ التسجيل : 09/10/2007
العمر : 37
الموقع : الرياض
| |
ضيء الحروف
عدد المساهمات : 16
السٌّمعَة : 0
تاريخ التسجيل : 05/08/2008
| | موضوع: رد: قصيدة وجد الثلاثاء أغسطس 05, 2008 6:44 pm | |
|  وين القصيدة اخي انتظرها انا | |
|
سندريلا
عدد المساهمات : 53
السٌّمعَة : 0
تاريخ التسجيل : 16/06/2009
| | موضوع: رد: قصيدة وجد السبت يونيو 20, 2009 12:56 am | |
| فعلا .. قصيدة مميزة جدا جدا جدا صحيح ان كلاماتها صعبة .. بس هذا اللي محليها مو اي شاعر يقدر يضبط هالنوعية من الاشعار  | |
|
أحبك ربـي
عدد المساهمات : 260
السٌّمعَة : 0
تاريخ التسجيل : 07/06/2011
| | موضوع: رد: قصيدة وجد السبت يونيو 11, 2011 12:31 pm | |
|
لا تسودنا الخطايا نلحـق الشرهـه زمنـا
ما جزانـا إلا عملنـا والخلائـق يثبتنـه
| |
|
الموضوع ابيض طالع لي
