بنت عطتني الرقم وأنا بالسيارة واتصلت رد أخوها وش السالفه

بنت عطتني الرقم وأنا بالسيارة واتصلت رد أخوها ، ، ، وش السالفة تراها مشوقة . . . .

هذي قصه يحكيها واحد على لسان صاحبه

يقول :

قبل فترة كنت مودي أختي للسوق , ,

طبعاً ذاك اليوم كان السوق زحمة شوي , ,

وقفت عند محل من المحلات الكبيرة ونزلت أختي , ,

وانا من الزحمة ما قدرت امشي على طول , ,

المهم وأنا جالس انتظر الزحمة تخف شوي إلا وأطالع بنت تأشر لي من بعيد , ,

قلت في نفسي : وش تبي ذي ، ،

> > وانا خايف منها , ,

لانوا أول مرة تحصل معاي ما عطيتها وجه وطنشتها إلا وكل شوي تقرب من سيارتي , ,

> > قلبي بدا يقرقع من الخوف

وأقول في نفسي : الله يستر من ذا النشبة الطريق زحمة ولا احد راضي يمشي ، ،

وهذي كل شوي تقرب أكثر, ,

ما دريت إلا وهي تطق علي فتحت القزازة وقلت سمي يا خالة ، ،

قالت : امسك هذا او اقول انك متعرض لي ، ،

قلت : كيف اتعرض لك وانا في سيارتي ؟ ؟

قالت : مو شغلي المهم خذ الرقم , ,

اخذت الرقم وانا في قمة الدهشة ، ،

قالت : اتصل ذا الحين من جوالك على ذا الرقم ، ،

لا شعوري ومع الربكة دقيت على الرقم ويجي يرن جوالها ، ،

قالت : خلاص الحين اقدر امشي قالت : انتظر اتصالك لا تتأخر ، ،

راحت البنت وانا ما ادري بحلم او بعلم, ,

وبدات تجين الوساويس من كل جهه , ,

المهم ذاك اليوم كنت مواعد عمر راح اطلع انا وهو اتصلت عليه وكنسلت الموعد ، ،

جلست يومين على ذا الحالة وساويس وتفكير وحيره ، ،

كان الوقت اخر العصر وكنت حالس بالبيت , ,

دق جوالي اطالع الرقم والله النشبة هذي البنت , ,

ما رديت وتدق مره ثانية وثالثه وانا مطنش , ,

يا ذا الورطة وترسل رسالة تقول رد قبل ما اسوي فيك شي , ,

ورقمك عندي ورقم السيارة عندي رد علي قبل لا اتبلاك , ,

ما ادري وش اسوي في ذا الحالة بعدها قفلت الجوال , ,

وخذ يا تفكير , ,

يوم اذن العشاء صليت ورحت لم محل كوفي شوب , ,

جلست لحالي هناك وقلت في نفسي , ,

جرب يا ولد ما راح تخسر شي ما دام انوا هي الي جت من نفسها , ,

شغلت الجوال ولقيت 5 رسايل موجود منها , ,

اخذت نفس عميق وجزمت نفسي واتصلت , ،

^

^

^

^

^

^

، ، فاصل إعلاني , ,

المسلسل مو حلو , ,

ههههههههههههههههههه

اسقيها فيمتو, ,

حـــرااام علــيـكي أنـدمجــت بالـــسـالـفـه ...هههههههههههههههه آخـر شـي فـيمتــو

ربــــي يعــــطـــيـج الــعـافـيــه ع المـــوضــوع ...

*** العــنـــود ***

وييييييييييييييييييييييين الباقي؟
لسا فيه اعلان!!!!!!

ننتظر التكملة بعد الفاصل الإعلاني

ههههههههه اي فاصل اعلاني
طلعت ذيك الحلقه الاخير من المسلسل
انتظرواالجزء الثاني من المسلسل
هههههههه
اشكركم على مروركم

» تسولفلي وأنا عـاجر أكـذ ع نفـسـي...
» إتصله على هذا الرقم ... وخاصة آخر الليل
» يقال ان الرقم ((7)) يملك طاقة بحد ذاته !!!