||أحوال بنات الكليات||

أحوال بنات الكليات...
ليت الثانويه كانت نهاية الدراسات
ولاعرفنا شي اسمه كليه
ليتنا انتهينا عند حل الواجبات
ولا تطورنا للمحاضرات والهياتيه
كناعاقلات هاديات ومنتظمات
مانعرف إلا هاتي الواجب وحلي المسأله ذيه
ياحليلنا كنا حيل شاطرات
نسيان الدفتر نعتبره فعله إجراميه
مدرساتنا كانن مثل الخوات
نصايحهن لنا دايم اخويه
راحت الثانويه وجتنا الكليات
راحت الأخت وجت الاستاذه المصريه
وراح الأمان وجنا المراقبات
وراح المريول وجت التنوره السوداويه
ويحسدونا يقولون بنات كليات
مايدرون احوالنا والله شقيه
وقتنا كله محسوب بحسابات
مانعرف احوالنا زينه والا رديه
قبل مانروح نرثع في هالميكياجات
ونطلس وجيهنا بشي ماهو بشويه
كل همنا نكون متعطرات ومتزينات
وعارفات كل الأشياء الخفيه
ونشوف بهاالكليه اصناف البنات
هذي العوباء وهذي الهديه
وهذيك عالقه مع المراقبات
وخوذي على مخالفه ولبستك ماهي رسميه
وهذولي مكونات شله ومجتمعات
وهذولي سالفتهن موضه وماركات عالميه
وفيه بعض البنات مسترجلات
وبعض البنات همهن المذاكره بجديه
‏ ...‏....
وحنا على كل هالأمور متطلعات
وإلا المحاضرات مالها أي اهميه
مانعرفها إلا اذا كثرت الغيابات
ومادامها شويه طنشي يابنيه
ومايخوفنا إلا طاري الحرمانات
واللي يطلبنه من أعذار طبيه
وحالتنا حاله إذا اطرو الإختبارات
وشفنا الملازم واوراقها ماهي شويه
والله طفشنا من اوضاع الكليات
وغثتنا كثر الإختبارات العمليه
وطفشنا من شي اسمه مصريات
يبنا مثلهن بعقول
تجاريه
وماصبرنا عليهن غير المكافآت
وإلا وش لنا بالفول وبالطعميه.
مع تحياتي :
...طالبة كليه...

كل وحده تصنفه نفسها من أي صنف أنا من اللي همهم الغيابات والشلة ههههاي بايعتها وبقوة--

هههههههه
الله ياعذبه معاناه والله حالتك صعبه غياب وشله

بصراحه انا لسه مادخلت كليه بس الله يرحم ايام الدراسه والضفاير ههههههههههه
عاد انا من البنات اللي همهم المذاكره بجديه خخخخ

و حالتي كانت علقات مع المراقبات
بس والله ايام مررررررررره حلوه ماتعوض

يسلمو على الموضوع

شفتي كيف وربي ع الأقل في المدارس كل وحده لازمةحدها بس الجامعات لسى تشوفيها كل واحد يقول نفسي نفسي بتلاقي فيها الصالح والطالح --
بس حسافه وش أيام الثانوي بنسبه لأيام الجامعة أحلى مراحل عمري الثانوي وبالأخص ثاني جناااان--

ههههههه

ونآآآسه